Strider's Journal

Strider's Journal

strider_first

[	website	\|	Official homepage of ULIS	]
[	userinfo	\|	livejournal userinfo	]
[	archive	\|	journal archive	]

Be Free	[Aug. 28th, 2009\|02:49 pm]
Для ўсіх тых "добразычліўцаў", што пісалі на форумах, што не паедуць на Be Free, бо ім не падабаецца наш падбор каманд і г.д., сьпяшаюся паведаміць, што фэст адбыўся і прыцягнуў да 20 тысячаў чалавек. Таму вашую адсутнасьць там ніхто не заўважыў. А калі нехта з іх усё-ткі пераўзмог сябе ды паехаў, то і вашую прысутнасьць - таксама. Фэстываль прайшоў добра, музыкі і тэхнічныя работнікі адпрацавалі на поўніцу, высілкі аргкамітэту былі недарэмныя. Калі Be Free-2010 мы будзем рабіць у тым жа горадзе і на тым жа месцы, то спадзяюся, што ён стане яшчэ лепей за ўсе папярэднія. Дзякую тым, хто нам дапамагаў, дзякую тым, хто прыехаў, дзякую тым, хто падтрымліваў музыкаў падчас выступаў. PS Здымкі nikita_syskov , barilotti, Андрэя Кургановіча і stranya. PPS Нашая наймалодшая фанатка, фота Івана Нікіціна :)
link	2 comments\|post comment

Адгралі на Басовішчы	[Jul. 20th, 2009\|06:54 pm]
здымак (с) loo_musicheart Болей - тут.
link	4 comments\|post comment

Адыгралі ў Полацку	[Apr. 29th, 2009\|05:35 pm]

link	post comment

25 красавіка - Полацк - канцэрт ULIS	[Apr. 1st, 2009\|10:29 am]
Для тых, хто "Вконтакте" - больш інфармацыі тут: http://vkontakte.ru/event8394281
link	6 comments\|post comment

***	[Jan. 17th, 2009\|05:59 pm]
Гэта канчатковы варыянт майго педалборда, атрыманы шляхам спробаў і памылак, дзякуючы заакіянскім ваяжам сяброў ;) і крэатыўным пошукам. Лічу, што атрымаўся вельмі неблагі і зручны для граньня гук. Але толькі тады, калі ў яго будзе ўключаны добры інструмант і ён будзе падключаны ў добры ампліфайер. Зрэшты, добры інструмант ужо маю. На гэтым мая частка тэхнічнай падрыхтоўкі гурта ULIS да новай праграмы і да новых выступаў скончана, а ў астатніх яна даўно ў парадку. ... Здаецца, час нешта з гэтым усім зрабіць.
link	11 comments\|post comment

кліпы	[Dec. 29th, 2008\|03:05 pm]
Паглядзеў кліп на песню "Котка", зроблены на трэк, які я калісьці аранжыраваў і дзе граў на гітары - і не пазнаў сябе. Ну выліты Алесь Камоцкі! :)
link	1 comment\|post comment

Адказы на пытаньні ад карыстальніка vkontakte

[Nov. 30th, 2008|01:48 pm]

Завёў сабе рахункі на сацыяльных сетках vkontakte i Facebook

Аляксандар "Сеня" Арсёнаў даслаў мне ліст з пытаньнямі, адказы на якіх з-за абмежаваньняў па знаках дублірую тут. Такое атрымалася "невялічкае" інтэрв'ю.

Пан Корань, у сувязі з тым, што пра вас рэдка што можна прачытаць у ґазэтах ды інтэрнэце, наважуся сам спытаць некаторыя рэчы, якія цікавяць ня толькі мяне, але і шматлікіх вашых фанатаў. Быў бы вельмі ўдзячны, калі б вы адказалі :)

1. Распавядзіце, калі ласка, як вы пачыналі граць, як стварылі гурт "Ліфт", як далучыліся да "Студыі 7"

Пачынаў граць на гітары ў школе, у 8-м класе. Спрабаваў навучыцца з 5га класу, але ўмовы ў тыя часы былі не такія як зараз - ні кампутараў, ні інтэрнэту, ні гітарных школ на відэа, таму быў самавучкам, і навучаньне ішло даволі доўга. У школе мы гралі інструмэнтальную музыку, наколькі хапала ўменьня. А болей сур'ёзна стаў займацца рок-музыкай і песеннай музыкай у РТІ, граў у гурце факультэту аўтаматыкі і вылічальнай тэхнікі. Там мы займаліся "здымам" чужой музыкі і чужых песень, нават запісалі ў тыя часы на беларускім тэлебачаньні - у 1975 годзе - тры песьні ў якасьці імправізаваных кліпаў. Калі добра памятаю, гэта было штосьці зь "Песняроў" і "Во французской стороне". Гралі на танцах, там ужо ў тым ліку "здымалі" заходнія гурты.

"Ліфт" я стварыў ужо пасьля сканчэньня інстытута, праз два гады. Мой былы аднакурснік узначальваў тады арганізацыю "Арыентыр", і я зьвярнуўся да яго, каб нам было дзе граць. Мы пачалі граць у кафэ "Мэрыдыян". Спачатку я запрасіў у гурт свайго суседа, Сашу Дунскага, вакаліста, які потым ужо прывёў бас-гітарыста Яўгена Манькова, а потым і гітарыста, Валодзю Любінскага, які пасьпяхова разваліў "Ліфт". ;) Гурт граў і свае ўласныя песьні, і каверы на заходніх выканаўцаў. Музыку пісаў Дунскі і ўсе мы самі. Я пазьней даведаўся, калі стаў граць ва ULISe, што нам тады напісаў адзін тэкст нават Фэлікс Аксёнцаў.

У гурт "Студыя-7" мяне паклікаў Слава Сьцяпанаў, калі я яшчэ працаваў зь "Ліфтам". Я пагадзіўся - атмасфэра ў "Ліфце" была ўжо складанай, я вырашыў, што лепей будзе ў "Студыі-7". Пасьля "Ліфт" распаўся. Часам рэальна даказаць, што ты нечага варты, толькі калі сыходзіш. Так бывала не адзін раз.

Ужо праз месяц пасьля таго, як я прыйшоў у "Студыю-7", мы паехалі на гастролі, у тым ліку і ў Маскву, дзе згралі некалькі канцэртаў - напрыклад, у вну, дзе калісьці вучыўся Макарэвіч. Там слухачы нас параўналі з брытыйскім гуртом Wishbone Ash - калі цікава, вось яны на youtube http://www.youtube.com/watch?v=hg6zqejXvqI

( Чытаць далей )

link

8 comments|post comment

Усьлед Be Free	[Aug. 17th, 2008\|06:43 pm]
Нягледзячы ні на што, фэст Be Free адбыўся. Вялікі дзякуй усім, хто прыехаў на гэты фэст зь Беларусі, з Украіны і іншых краінаў і быў з намі нават падчас залевы 9 жніўня. :-) Чытаю ўражаньні журналістаў і публікі і ў кожнай з рэцэнзіяў ёсьць з чым пагадзіцца і аб чым паспрачацца. Гэта натуральна - мы ўсе бачылі тое, што адбывалася, і маем права на ацэнкі. А вось што сапраўды зьдзіўляе - водгукі тых, хто там не быў і нічога не бачыў і спрабуе разважаць па прынцыпе "Пастернака не читал, но осуждаю"... Для мяне - не толькі як для арганізатара, але і як для музыкі, што граў на фэсьце, - Be Free безумоўна выдзяляецца з шэрагу фэстаў, на якіх прымаюць удзел беларускія гурты. Перш за ўсё тым, што ён ставіцца да беларускіх музыкаў з павагай, не адрозьніваючы іх па ступені "зорнасьці". Па-другое, тым, што мы граем на адной сцэне з мясцовымі зоркамі, і тыя - як Палажыньскі з "Тартаку" - два дні разам з украінскай публікай слухаюць беларускія канцэрты. Паверце, звычайная палітычная "салідарнасьць" пры адсутнасьці зацікаўленасьці да музыкі зь Беларусі дазволіла б вытрымаць не болей за поўгадзіны. :) Вельмі важна для мяне было і тое, што Be Free прыцягнуў увагу тых, хто часьцяком упершыню пачуў многія беларускія гурты жыўцом. Пасьля выступу за сцэну да мяне падыходзілі ўкраінскія падлеткі, для якіх наш фэст магчыма стаў адкрыцьцём беларускай музыкі як такой. Ды і камэнтары пасьля фэсту з украінскага боку пра гэта сьведчаць: http://forum.meta.ua/topic/t/45485.html ... Але яшчэ болей важна была сама атмасфэра свабоды і радасьці, якой быў насычаны фэст. Распавяду выпадак з уласнага досьведу. У першы вечар фэсту мяне штурхнулі, праходзячы міма, львоўскія футбольныя фанаты, што пасьля матчу вырашылі "дагнацца" ў парку. Я пачаў хвалявацца, што праз пэўны час яны могуць распачаць бойку - пра такую верагоднасьць нас папярэджвала і мясцовая міліцыя. Але пасьля некалькіх песень футбольныя фанаты пайшлі ў натоўп, каб... таньчыць і слэміцца. Для мяне гэта доказ таго, што Be Free быў не проста нейкім фэстам беларускай музыкі, а большай, пазытыўнай зьявай. Зараз некаторыя спрабуюць "прышыць" арганізатарам палітызаванасьць, заангажаванасьць і нават "сэктантства" (гл. Саўбелію і інш.). Для мяне такі падыход - гэта сьведчаньне наўмыснай або прыроднай абмежаванасьці асобы, якая яго прымяняе. Я супраць пераўтварэньня канцэртаў у палітычныя мітынгі, але я толькі за тое, каб кожны з нас мог свабодна сьпяваць, выражаць свае думкі і вартасьці і не баяцца сказаць тое, што думае. Мне здаецца, Be Free для кожнага - і музыкаў, і публікі - стаў месцам менавіта такой свабоды. Усім тым, хто піша рэцэнзіі ў рэжыме "удалённого доступа", раю наступным разам паехаць і паглядзець на фэст, а потым разважаць на гэтую тэму. А калі вы думаеце, што ўсё так проста, паспрабуйце зрабіць фэст з нуля. Самі. PS Можа, спадарыня Папова падкажа, калі трэба прынесьці тэксты на літоўку, каб пасьпець падаць заявачку на фэст у Парку Горкага на наступнае лета?.. :)
link	10 comments\|post comment

Пра аматараў і прафэсыяналаў	[Jul. 1st, 2008\|07:38 pm]
З каментаў у працяг паста-ацэнкі пра конкурс на "Басовішча-2008"... Скажу-ка і я. Экспэрымэнты з ужо вядомым і раскручаным фэстывалем, які мае пэўную рэпутацыю, праводзіць нельга хаця б таму, што той імідж, які ён набыў за 16 год, не рызыкнуў бы зламаць нават найкруцейшы прадусар. Не кажучы ўжо пра людзей, якія - як паказала практыка - суцэльна не разьбіраюцца ў тым, як арганізоўваць і праводзіць імпрэзы такога масштабу. Пачну па-парадку. "Басовішча" ўсе гэтыя 16 год быў міжнародным фэстам і пляцоўкай для ўжо прафэсыйных і вядомых беларускіх гуртоў, якія ў сувязі з сытуацыяй на Беларусі маюць тыя ж умовы для разьвіцьця, што і непрафэсыйныя. Прывяду прыклады тых гуртоў, што атрымалі сваю пуцёўку і апраўдалі яе на фэстах "Басовішча" ў мінулыя гады: - гурт Indiga быў адабраны на адборачным фэсьце, дзе выступіў як прафэсыйны гурт на сучасным узроўні; - гурты B:N:, Сьцяна, Tav.Mauzer былі таксама прафэсыйнымі гуртамі сярэдняэўрапэйскага ўзроўню і прыяжджаючы на конкурс падтрымлівалі добры імідж фэсту. Зараз фэст стаў фэстам для пачаткоўцаў. Ягоны ўзровень упаў да школьнага. І калі вы прымаеце гэта як дадзеная і зараз называеце "Басовішча" фэстам для аматараў, адмыслова імкнецеся яго такім зрабіць, то яшчэ ніжэй апускаеце планку гэтага фэсту. Што тычыцца конкурсаў апошніх двух гадоў, то прычына - не ў "агульным крызісе беларускіх музыкаў", а ў няўменьні журы адабраць тыя калектывы, што маглі б выступіць дастойна. На дастойныя каманды проста не зьвярнулі ўвагі, імкнучыся зламаць фармат фэсту і правесьці экспэрымэнт "па-жывому", што рабіць - як я казаў раней - было катэгарычна нельга. Зараз падняць планку фэсту будзе амаль немагчыма, бо публіка, што прыяжджае на яго ў апошнія гады, ужо прывыкла, што гэтая планка знаходзіцца даволі нізка. На вашым месцы я б не пісаў пра вашыя памылкі, якія вы нібыта спрабуеце выправіць, а ціхенька чырванеў бы ад сораму ў межах уласнага "парталу". Няўжо пасьля таго, што вы зрабілі з "Басовішчам", вы, застаючыся ў арганізатарах, можаце называць сябе "вузкім колам адмыслоўцаў", якія нешта добрае могуць з гэтым фэстам зрабіць? Ці вы як Аляксандар Рыгоравіч пажыцьцёва зьбіраецеся экспэрымэнтаваць на ўласных памылках?
link	6 comments\|post comment

"Сбылась мечта идиота..." (с)	[Apr. 7th, 2008\|01:15 pm]
Менск, 04-04-2008
link	47 comments\|post comment

navigation

[	viewing	\|	most recent entries	]
[	go	\|	earlier	]